Liebi Chinde, Mamis und  Papis

Es isch wieder so wiit am Freitag 6. Dezember 2025 bsuecht eus de Samichlaus und de Schmutzli.

Mir träffed sie hinder de Gmeind ufem Kiesparkplatz

vo 18.30-19.30 Uhr.

Nämed doch es Säckli mit das sie eu öppis feins chönd dri fülle.

Für s liibliche Wohl isch gsorget und wird vom Dorfverein organisiert. Unterstützt vo de Gmeind Thalheim.

Jetzt wünsch ich eu e gueti Ziit und viel Spass bim Versli lerne.

 Für den Dorfverein Thalheim/ Gütighausen

Nicole Gutknecht

Liebi Chinde und Eltere
Es isch en wunderschöne Aabig gsi und mir sind mit eusne Eseli wieder guet hei cho.
Mir möchted eus ganz herzlich bedanke für euen Bsuech,
für di schöne Värsli wo ihr uf gseit händ und di wunderschöne Zeichnige, wo mir i eusem Hüüsli ufghänkt händ.
Mir freued eus scho ufs nächst mal.
Liebi Grüess usem tüüfe Wald
Samichlaus und Schmutzli

Im Name vom Dorfverein Thalheim/ Gütighausen
möchted mir eus bi de Gmeind Thalheim ganz herzlich für d Unterstützig bedanke.
Nicole Gutknecht